«Соккер.ру» ғолиблик шоҳсупасига яна қайтиш учун жон-жаҳди билан ҳаракат қилган ва бунга эришган жамоа ҳақида ҳикоя қилади.
ЎЗИГА ХОСЛИК
Бизнингча, жамоанинг бу хусусияти ғалабалар таъминланишининг энг асосий сабабларидан биридир. Бу ерда «Менга ёқади» ёки «Менга ёқмайди», қабилида иш тутмаслигимиз керак. Фақат бир нарсани тан олишга ярасак бўлди, яъни «Ювентус» ҳар доим ўзига хос жамоа сифатида танилган ва шундайлигича қолмоқда. Ўйинда ҳаракатланиш суръати ва услуби жиҳатидан ҳеч қайси жамоага асло ўхшамайди.
«Ювентус» доимо очколар жиҳатидан устунликка эришиб келган. У ҳеч қачон рақибларнинг «дабдаласини чиқариш»га уринмайди ва жамоа аъзолари учун муҳими ҳисоб эмас. Асосийси, сўнгги натижа юқори бўлса бас. Туриндан чиққан мазкур клуб Италиядаги рақобатда биринчи бор мустаҳкам жой эгаллагани йўқ, у худди бокс устаси Флойд сингари ҳамиша рақиблари ичида ўзига хос обрў-эътиборга эга клуб сифатида танилган.
Айбни мардонавор ювиш
Эсингизда бўлса, бир пайтлар «Ювентус» хуфёна ишлари учун жуда қаттиқ жазоланганди. Аммо тан олиш керак, ўшандаям айнан айбдорларнинг барчаси жазога тортилмаган. Мухлислар ва айбсиз футболчилар эса ҳеч нарсадан ҳеч нарса йўқ ўша воқеа туфайли азият чеккандилар. Хуллас, мазкур жамоа билан алоқадор шахслар кўп жиҳатдан обдон ўйлашлари ва ҳаммасини бошидан бошлашларига тўғри келди, шекилли. Ваҳоланки, айбни ювиш учун кўп йиллар Чемпионлар лигасининг энг яхши тўртта жамоалари сафида юриш бахтидан маҳрум бўлинди. Шу сабабли ҳам 12 мавсумдан кейин қучилган зафар ниҳоятда ҳузурбахш бўлди ва бу муваффақиятни тасодифан қўлга киритилган ютуқ, дейиш мутлақо ноўрин.
БУЮКЛАРГА ИХЛОС ҚЎЙИШ
«Ювентус»да рақиблар ва ўйиндаги шерикларга муносабат борасида ўзига хос мезон мавжуд. Ҳаттоки, тажрибали Кьеллини ёки Тевеслар жаҳон чемпионлари Буффон ва Пирло билан обрў-эътибор борасида баҳслашишни ўзларига эп кўрмайдилар. Жанлуижи эса аллақачон буюк дарвозабон эканлигини исботлаб қўйган. Чунки у жамоага ўта садоқатли. Пирло «Ювентус»га ўтгач, ўзаро муносабатлар ғалабага эришишда нақадар муҳим эканлигини аниқроқ намойиш эта олди. Агар инсон ўзини ўзи идора эта олса, ёш ўтгани билан ҳам зўр ўйинлар кўрсатиши мумкин. Хуллас, Буффон ва Пирло «Ювентус» ғалабасининг асосий омилларидан ҳисобланади.
ТЎПУРАР ТОПИЛГАНЛИГИ
«Ювентус» мухлислари ҳар гал Тевеснинг голларидан стадионни кўтариб юборгудек бўлиб бақирганларида беихтиёр у эндигина жамоага қўшилган пайт ёдга тушаверади. Ахир ўшанда уни ҳамма ҳам бирдек хушламаганди. Ҳаттоки, аргентиналикни жамоага қўшганлар номига танқидий фикрлар ёғдирилганди. Аслида айнан Тевес сотиб олингани кўп нарсани ижобий томонга ҳал қилди. Ахир Карлос ўйинни жадаллаштириш ва ниҳоят, голлар уриб, ғалабага эришишда «асосий фигура» ҳисобланади. Хуллас, «Барселона» учун Суарес қанчалар зарур бўлса, «Ювентус» учун Тавес ҳам шу қадар керак эди.
ЗАРБАЛАР
КЕТМА-КЕТЛИГИ
Ҳаммамизга маълум, чемпионликка эришган ва чемпион бўла олмаганлар бир-бирларидан дуранг ва мағлубиятлар сони билан фарқланади. Аниқроқ айтганда, чемпион жамоада дуранг ва мағлубият ҳамиша кам бўлиши керак. Бу инкор этиб бўлмас ҳақиқат. Шу боисдан «А» сериясида ғолибликка эришиш истагидаги жамоа ҳар икки ҳолатдан узоқроқ юриши шарт.
Кейинги пайтда Туриндан чиққан мазкур жамоа билан бўлган баҳслар барибир «Ювентус» - «Ювентус» эканлигини кўрсатди. Аллегри шогирдлари тўрт ва беш нафар ҳимоячини ишга солган ҳолда зарба беришда устаси фарангдирлар. Яна бир нарсадан ибрат олиш мумкин, марказий ҳужумчилар такрорланмас вазиятлар яратишда ҳам қойилмақомдирлар. Пирлонинг доҳиёна, Видалнинг шиддатли ва узуноёқ Погбанинг моҳирона услублари бир-биридан фарқлангани билан улар умумжамоа - «Ювентус» услубидаги ўйинни намойиш этишлари билан бир хилдирлар.
КУЧЛАР ТЎҒРИ ТАҚСИМЛАНишИ
Ҳозирги «Ювентус» Конте давридагидан фарқ қилади. Тўғри, мазкур мураббий раҳбарлиги остида янгидан-янги ғоялар амалда татбиқ этиларди, бироқ улар халқаро даражадаги ғалабаларга сабаб бўлмасди. Аммо Конте пайтидан бошлаб жамоа кучни рақиб томон тўғри йўналтиришни ўрганганини тан олиш керак.
Бугун улар шундай ўйнайдики, агар мағлубият турнирдаги мавқега таъсир қилмайдиган бўлса, ютқазиб қўйишлари ҳам мумкин. Зарур пайтда эса бутун имкониятлар ишга солинган ҳолда мутлақ муваффақият учун жон куйдириб курашилади. Бундай ҳолатларни «Монако» ва «Боруссия» билан бўлган баҳсларда кузатиш мумкин бўлди. «Лацион» билан кечган учрашувда эса Аллегри жамоаси нима учун бу қадар обрў-эътиборга сазовор бўлганлигини тушуниб етиш қийин кечмади.
Шунингдек, дербидаги мағлубият у қадар муҳим аҳамият касб этмаслиги ҳам назарда тутилди. Ахир кейинги турларда «Фиорентино» ва «Сампдория» устидан барибир ғолибликка эришилди.
Анъаналарга содиҚлик
Тасаввур қилинг, сиз майдонга тушган ўйинчиларнинг афт-ангорларини кўрмайсиз, фақат қандайдир фигуралар ўйнаётганини ҳис қиласиз, холос. Ҳатто шундай ҳолатда ҳам майдонда бирор Италия жамоаси бўлса, уларни таниб олиш муамммо туғдирмайди. Чунки италияликлар ўзига хос ўйин кўрсатадилар. Тактик жиҳатдан олиб қаралса, улар схемасига кўра кўпинча учта ҳимоячи, учбурчак остида жойлаштирилган ярим ҳимоячилар, бири «треквартчи» иккинчиси эса «фантазиячи» имкониятига эга форвардларга суянган ҳолда жанг олиб боришга одатланганлар.
Аллегри «Ювентус»нинг ўзига хослигини таъминлаш мақсадида бундай анъаларга ҳамиша содиқ қолиб келган. Бундай услублар эса «А» сериясидаги ғалабанинг асосий омилларидан саналади.
РАҚИБНИ ЧАЛҒИТИШ
«Ювентус» - шижоат нуқтаи назаридан олиб қаралса, шимолий ҳисобланади, аммо у барибир Италия жамоасидир. Рақибни «ўраб ташлаш» борасида Европада унга бас келадигани топилмаса керак. Тўғри, «Челси» ёки «Атлетико» футболчилари ҳам рақибнинг эркин ҳаракатланиши учун ҳалақит беришда устаси фарангдирлар. Тан олиш керак, «Ювентус» ўйинчилари юқори даражадаги прессингга эга эмаслар. Марказий ҳимоядаги йигитлар баъзида шундай хатолар қиладиларки, буни улардан умуман кутмаган бўласан. Яна шуни ҳам назардан қочирмаслик керак, мазкур жамоа аъзоларининг офсайдга тоқатлари йўқ. Шундай бўлишига қарамасдан, юқорида таъкидланганидек, рақиб чалғиган пайтда бутун кучни ғалабага элтувчи омилларга йўналтиришлари ва охир оқибатда мақсадларига эришишлари мумкин.
АНИҚЛИК
«Ювентус»ни аниқликка таянган жамоа, десак асло муболаға бўлмайди. Марказдан туриб зарба бериш, ўрта ва узоқ масофадан жарима майдонига тўп узатиш, рақиб дарвозаси олдида яратиладиган хавфли вазиятларнинг аксарияти натижали кечиши - буларнинг барчасини кузатган киши «Ювентус» жорий мавсум «А» сериясида нима учун атиги учта мағлубиятнигина бошидан кечирганини англаб етади. Бунга қўшимча қилиб, мазкур жамоада 100 та пасларнинг 80 таси ҳамиша муваффақиятли бўлиши айтилса, ғалабалар омили ҳақидаги тушунча янада бойийди.
КУЧЛИ ИРОДА
«Ювентус» доим назорат остида. Жамоанинг ҳали у камчиллиги, ҳали бу камчиллиги тўғрисидаги гап-сўзлар тез-тез қулоққа чалинади. Албатта, танқид ёқимли эмас. Лекин «Мевали дарахтга тош отишади», деган гапни унутмаслик лозим. Ахир мазкур жамоа «А» сериясидаги рақиблари ўртасида энг бардоши кучли жамоа ҳисобланади. Оддий мисол, «Лацио» ўзини ўнглаб олиши учун вақт талаб қиляпти, «Рома» мавсум давомида руҳан тушкунликка тушиб бўлди, «Наполи» ҳар хил турнирларга тайёр бўла олмаяпти. «Ювентус» эса ҳамиша дадил ва бардам. Йигитлар ўзларига қулай йўналишда ўйнаш ва охир оқибатда ғалаба қозонишнинг ҳадисини олганлар. Шу ҳислати билан у «Бавария», «Барселона» ва «Реал»дан фарқланади. Хуллас, «Ювентус» - мана шунақа жамоа!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
