“Барселона” ва Аргентина терма жамоаси ҳужумчиси Лионел Месси ҳақида билмаган футбол ишқибозининг ўзи бўлмаса керак. Аммо буни қарангки, ушбу ҳужумчининг ҳам баъзи номаълум қирралари бор экан. Эҳтимол, қуйидаги маълумотдан кўпчилик хабардордир. Нима бўлган тақдирда ҳам, мухлислар эътиборини торта оладиган маълумотларни эътиборингизга ҳавола этишга қарор қилдик.
1. Лионель Месси инқилобчи Эрнесто Че Гевара оиласида дунёга келган.
2. Лео билан боғлиқ энг катта шов-шувлардан бири унинг томирида итальянлар қони оқаётганлигидир. Яъни Мессининг катта буваси — Анжело Месси, аслида, италиялик бўлиб, 1883 йилда Аргентина эмигрант сифатида келган. Айнан ана шу жиҳатни сабаб қилиб, “Месси италиялик, у Италия термасида ўйнаши шарт” деган фикрлар ҳам илгари сурилган, ҳатто бир сафар Леони Италия сафида тўп суришга ундашганди. Лекин Мессининг биргина жавоби етарли бўлган: “Мен қаерда туғилдим? Қаерда улғайдим? Аргентинада. Мен учун бошқа ҳақиқат йўқ”.
3. Отаси Хорхе Месси оддий ишчи бўлган, онаси Селия эса бўш вақтларида фаррошлик қилган. Мессидан ташқари оилада яна уч нафар фарзанд бўлган.
4. Футбол машғулотларини тез чарчаш туфайли ўтказиб юборса-да, Месси, барибир, мактабда энг фаоллардан бири эди. Унинг ўзи бу ҳақда шундай дейди: “Мен дарсларни қолдиришим мумкин эмасди. Бордию, бунга мажбур бўлсам, онам машғулотлардан олдин бироз ухлаб олишимни айтарди. У менга жуда ғамхўр эди”.
5. Лионел Мессининг бўйи 169 сантиметр. Таъкидлаш керак, у болалигида жуда кичкина бўлган, шунинг учун бўйни ўстирадиган препаратлар қабул қилган. Айтиш жоизки, агар у дори қабул қилмаганида бўйи ҳозир 140 смни ташкил этган бўларди.
6. Яна бир қизиқ факт, Месси 11 ёшга тўлганида кўзини даволатишга мажбур бўлади. Ўшанда у “Ривер Плейт” сафида ҳаракат қиларди, Аргентина жамоаси эса Леонинг даволаниши учун ҳар ойда 900 доллар тўлаб турган.
7. Пасха байрамларидан бирида каталониялик бир новвой Лионел Мессининг ҳайкалини яратди. Бор бўйи билан ясалган ҳайкалнинг оғирлиги 115 килограммни ташкил этарди. Бу ўша пайтдаги Мессидан нақ 50 килога оғирроқ эди.
8. Эътибор берганмисиз, Лео ҳар доим гол урганида осмонга тикилади. Бу ҳолатини ўзи шундай изоҳлайди: "Мен ҳар бир голимни бувимга бағишлайман. Чунки айнан у отамга мени футболга олиб киришни маслаҳат берганди. Афсуски, муваффақиятларимни кўра олмади. Менга ва оиламга берган ёрдами учун бувимдан бир умр миннатдорман”.
НИЗОМ тайёрлади.
Манба: “7 мўъжиза” газетаси.
Матнда хатолик топсангиз, ўша хатони белгилаб, бизга жўнатинг (Ctrl + Enter).