Миллий чемпионатимизнинг ХХIII мавсуми ҳам тарих саҳифаларидан жой олди. InterFutbol нашри ўз анъанасини давом эттирган ҳолда, сиз азиз муштарийларга статистик маълумотларни тақдим этишда давом этади. Бу сафар нигоҳимизни ички чемпионатларимиз тарихига қаратдик. Ортда қолган XXIIIта мавсумда олий лигамизда 38та жамоа иштирок этган. Учта клуб: «Пахтакор», «Нефтчи» ва «Навбаҳор» элитамизнинг мунтазам иштирокчилари ҳисобланишади. Шу сабабли, ушбу жамоалар умумий рўйхатда етакчилик қилишмоқда. Жумладан, бу йил 10-чемпионлигини нишонлаган пойтахтликлар умумий кўрсаткичда ҳам яққол етакчилар. «Шерлар» 2-ўриндаги «Нефтчи»дан нақ 94 очко олдиндалар.
Бешинчи поғонани эгаллаб турган «Бухоро» клуби эса бир марта 1-лигага «сайр қилган». «Академия», «Цементчи», «Чилонзор», «Шаҳрихончи», «Шифокор», «Вобкент» ва «УзДонгЖу» жамоалари эса олий лигада бор-йўғи бир мавсум иштирок этишган, холос. Рўйхатдаги айрим клублар, жумладан, МҲСК, «Дўстлик», «Трактор» ва «Тўпаланг» йўқликка юз тутишган. XXIII миллий чемпионатимизда айрим жамоалар эътиборга молик рақамларни қайд этишди. Жумладан, «Пахтакор» олий лигамиздаги 450, «Металлург» 150, «Локомотив» 100-ютуқларини тантана қилишди. Шунингдек, «Сўғдиёна» элитамиздаги 550, «Бунёдкор» эса 200-ўйинларини ўтказишди. Бундан ташқари, фарғоналиклар 1500, жиззахликлар 750, навоийликлар 550, бекободликлар 600, олмалиқликлар 250-голларини нишонлашди.
«Пахтакор» 1500, «Нефтчи» 1400, «Динамо» 750, «Металлург» 550, «Бунёдкор» 500, «Локомотив» 400 очколарини қўлга киритишди.
«Насаф», «Бухоро» ва «Металлург» клублари эса 100-дурангга имзо чекишди.
Умумий кўрсаткичлар бўйича энг кўп очко «Пахтакор»га тегишли - 1503. «Нефтчи» ва «Навбаҳор» жамоалари эса тегишлича 1409 ҳамда 1136 очко тўплаган ҳолда, кейинги ўринларни эгаллаб туришибди. Энг оз очко эса сўнгги поғоналардаги «Вобкент» (15) ва «УзДонгЖу» (13) клубларида.
Энг кўп ютуқ ҳам «шерлар»га тегишли - 465та. Фарғоналиклар 437, наманганликлар эса 336та учрашувларда ғалаба қозонишган. Энг оз ютуқ эса «Вобкент» (3) ва «УзДонгЖу» (2)да.
«Пахтакор» футболчилари ортда қолган XXIIIта ички чемпионатларимизда рақиблар дарвозасига жами 1503та тўп киритиб, бу борада яққол пешқадам бўлишса, «Вобкент» (23) ва «УзДонгЖу» (17) жамоалари энг паст кўрсаткичга эгалар. Регламентга кўра, келаси йили элитамизда яна «Шўртан» ва «Қўқон-1912» клублари қатнашишади. Демак, ушбу жамоаларда ўз кўрсаткичларини яхшилаш имконияти мавжуд.
№ Жамоалар М Ў Ю Д М Т-Н О
1. Пахтакор 23 680 465 108 107 1563-576 1503
2. Нефтчи 23 680 437 98 145 1553-693 1409
3. Навбаҳор 23 680 336 130 216 1198-796 1136
4. Бухоро 22 654 265 101 288 928-1003 996
5. Насаф 18 528 292 101 135 963-621 977
6. Динамо 21 620 221 104 295 779-904 767
7. Андижон 21 628 213 124 291 896-1037 763
8. Сўғдиёна 19 568 197 95 276 760-960 686
9. Трактор 16 490 178 87 225 684-814 621
10. Қизилқум 15 434 162 85 187 555-629 572
11. Металлург 17 494 157 100 237 606-819 571
12. Машъал 14 396 167 80 159 518-545 571
13. Дўстлик 11 346 169 52 125 669-532 559
14. Бунёдкор 8 220 165 36 19 463-115 531
15. Локомотив 10 276 116 57 103 399-362 405
16. Сурхон 12 374 109 66 199 461-726 393
17. МҲСК 7 216 106 44 66 420-335 362
18. Қўқон -1912 9 280 106 33 141 400-547 351
19. Шўртан 9 250 81 40 129 280-405 283
20. Олмалиқ 8 190 67 40 83 266-285 241
21. Хоразм 8 248 62 44 142 281-518 230
22. Зарафшон 6 196 60 37 99 263-355 217
23. Янгиер 7 216 56 37 123 266-385 205
24. Турон 5 164 44 23 97 171-329 155
25. Косонсой 5 156 40 25 91 171-305 145
26. Атласчи 4 124 34 16 74 149-280 118
27. Чирчиқ 3 122 26 25 71 130-240 103
28. Тўпаланг 3 86 28 12 46 103-146 96
29. Кимёгар 3 104 25 21 58 113-193 96
30. Гулистон 4 124 26 14 84 105-264 92
31. Академия 1 34 16 11 7 72-45 59
32. Семурғ 2 72 15 12 45 99-200 57
33. Цементчи 1 30 8 7 15 39-64 31
34. Чилонзор 1 34 8 6 20 51-70 30
35. Шаҳрихончи 1 32 7 7 18 25-67 28
36. Шифокор 1 30 8 3 19 37-76 27
37. Вобкент 1 30 3 6 21 23-70 15
38. УзДонгЖу 1 30 2 7 21 17-65 13
Изоҳ: «Қизилқум» клуби бу йилдан бошлаб, Зарафшондан Навоий шаҳрига кўчирилди
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
