| 90+4' |
 |
Ўйин якунланди! |
| 90+3' |
 |
ГОООЛ! Минг афсус, миллион афсуслар бўлсинким, Элдор Суюнов жарима зарбасидан сўнг жамоамизни қутқара олмади! |
| 90+3' |
 |
Саудия 23 метрдан жарима зарбасини тепади |
| 90' |
 |
Иккинчи бўлимга 3 дақиқа қўшиб берилди |
| 89' |
 |
Игорь Сергеев ўрнига Навруз Алимов туширилди. |
| 88' |
 |
Сардор Рашидов 30 метрлардан жарима зарбасини йўллади. Бироз ноаниқ бўлди |
| 86' |
|
Эҳҳҳҳҳҳҳҳ, Шодиеееев! Козак жарима майдончаси ташқарисида бош билан тўпни Рашидов томон узатди. Сардор ўнг қанотдан зарба берди. Шодиев эса чап қанотда тўпга ташланди. Аммо оёғи тўпга бироз етмай қолди! |
| 85' |
|
Рақиб ярим ҳимоячиси ўнг қанотдан олдинга ўтди ва МУстафоевдан осонлик билан ўтиб кетиб, жарима майдончасига кириб борди. Унинг узатмасини Кримц қайтаришга улгурди! |
| 85' |
|
Жамшид жарима майдончаси остонасида тўпни ичкарига ташлади, аммо Шодиев тўп учун югурмаганди... |
| 83' |
 |
Арабистонликларнинг ҳужуми сўнг тўпни Суюнов эгаллаб олди |
| 78' |
|
Искандеров чап қанотдан тўпни жарима майдончасига узатиб берди. Тўп Шодиевга аниқ борди. Аммо тўхтатмасдан зарба беришга қарор қилган Воҳид, дарвозага аниқ зарба бера олмади |
| 77' |
 |
Абдуллоҳ ал-Ҳафиз огоҳлантириш олди. У жарима майдончасининг чап қанотида ўзида ўтиб кетаётган Мусаевни чалиб йиқитди |
| 76' |
|
Уҳҳҳ, Саудиянинг кам сонли қарши ҳужуми хавфли бўлди. Кримец сўнгги паллада тўпни қайтариб юборди |
| 73' |
|
Даврон Ҳошимов қўпол ўйнагани учун огоҳлантириш олди. |
| 72' |
|
Эҳҳҳҳҳҳ Сардооооор! Шодиевнинг узатмасидан кейин Рашидов дарвозабонни ҳам алдаб ўтиб, дарвоза томон зарба берди. Бироқ ортдан етиб келган ҳимоячи тўпни майдон ташқарисига чиқариб юборди! |
| 71' |
|
Сергеев чап қанотдан тўпни жарима майдончасига узатди. Рекошет орқали дарвозабон майдончасига яқин жойга келган тўпни Шодиев бош билан дарвозага жойлаб қўйди! |
| 71' |
|
ГОООООООООЛ! Воҳид Шодиееев! 2:2! |
| 69' |
|
Ал-Фатил ўрнига Абдулкарим ал-Қаҳтоний туширилди |
| 67' |
 |
Вуууууҳ, Ҳошимов ўнг қанотдан жарима майдончасига тўпни етказди. Тўп дарвоза тўсинига юқори томондан тегиб, қарама-қарши томонга ўтиб кетди |
| 65' |
|
Ҳақиқий қанот ҳимоячиси ҳисобланган Даврон Ҳошимов энди майдонга туширилди. Йўлдошев ўрнига. Давронни ўйин бошидан туширишга нима халал берганди, ўртоқ Қосимов??? |
| 64' |
|
Козак ижросида регбича зарба... |
| 63' |
|
Тўпни назорат қилиш бўйича кўрсаткич - 65/35%. Лекин бу кимга қизиқ... |
| 62' |
 |
Бурчак тўпи пайтида дарвозабонга нисбатан фол ишлатилди |
| 62' |
|
Шодиевнинг зарбаси ҳимоячига тегиб майдонни тарк этди. БУрчак тўпи |
| 60' |
|
Энди ҳамма нарса футболчиларимизнинг руҳиятга боғлиқ. Икки марта ўз дарвозаларига гол олиб келиб, вазиятдан чиқиб кета олишармикин. Ўйин тугашига ярим соат вақт бор |
| 58' |
|
Эҳҳҳ, иккинчи бўлимда ҳам устунлик бизда эса. Битта гол урсак, ғалаба бизники эди. Аммо, лекин, бирооооқ |
| 54' |
|
Ҳой, нима бўлган ўзи бизнинг ҳимоячиларга??? Ким тушунтириб бера олади? Яна оддий вазият! Тўп ўнг қанотдан жарима майдончасига узатилди. Бобурдан бошқа ҳеч ким йўқ эди. Бобур гол урмасдан чидаб тура олмади шекилли, ўз дарвозани ишғол қилди!!! |
| 54' |
|
ГОООООЛ, Бобур Йўлдошев, автогол, 1:2! |
| 51' |
 |
Мустафоев ўз қанотида майдон марказига яқин жойда рақибга нисбатан қоида бузди |
| 50' |
|
Абдуллоҳ аш-Шамех огоҳлантирилди |
| 48' |
|
Тўп назорати футболчиларимзда. Саудия ҳамон тўлиқ ҳимояда |
| 46' |
|
Иккинчи бўлим бошланди! |
| ' |
|
Биринчи бўлимда устунлик тўлалигача терма жамоамиз томонида бўлди. Бир қанча имкониятларни юзага келтирдик. Ҳужумларимизда ҳам хилма-хиллик бор. Фақат вазиятлардан фойдаланиш керак. Саудия зич ҳимояланмоқда. Бундай пайтларда имкон бўлди дегунча олис масофадан зарба йўллаш керак, худди Жамшид сингари. 17-дақиқадаги пенальтига аҳамият бериб ўтирмаймиз. Ҳозирча ҳисоб тенг. Ғалабани ўз томонимизга оғдириш учун ихтиёримизда 45 дақиқа бор |
| 45+2' |
|
Биринчи бўлимга 2 дақиқа қўшиб берилганди. У якунланди ва ҳакам хуштагини чалди. Танаффус |
| 45+1' |
|
Вуууҳ, ҳисобни тенглаштирдик! Сергеев ўнг қанотда тўпни жарима майдончасига яқинлашиб келган Жамшидга узатди. Искандеров 20 метрлардан зарба берди. Тўп дарвозабон ёнига борганида ўз йўналишини кескин ўзгартирди ва дарвоза бурчагига бориб тушди! Жуда зўр ва керакли гол! |
| 45+1' |
|
ГООООООООООЛ, Жамшид Искандеров, 1:1!!! |
| 43' |
|
Искандеров тўпни жарима майдончасида очилган Мусаевга тўпни узатди ва ўзи ҳам жарима майдончасига кириб, тўпни қабул қилди, аммо тўпни ўзидан бироз қочириб юбориши оқибатида вазиятни қўлдан чиқарди. |
| 41' |
|
Воҳид Шодиев жарима майдончаси ичида бир ҳимоячини алдаб ўтаётганида йиқилди. Таиландлик ҳакам пенальти бермади |
| 38' |
|
Аксинча, тўпни эгаллаб олган саудияликлар 4 нафар бўлиб, икки наар ҳимоячимизга қарши чиқиб боришди. Тўп ўнг қанотдан жарима майдончасига етказилаётганида Бобур Йўлдошевга тегиб, дарвозабонимизга борди. Хавф бартараф этилди |
| 38' |
|
Йўлдошев бурчак тўпи ишлади. Аммо бу бурчак тўпи наф килтирмади |
| 35' |
|
Вуууҳҳ, жарима майдончасига чап қанотдан ёриб кирдик. Рашидов сўнгги чизиқ ёнидан тўпни дарвозабон майдончасига етказди. Сергеев тўпга бош билан зарба бермоқчи бўлганида дарвозабон тўпни муштлари билан уриб юборди. Жароҳат олган дарвозабонга тиббий ёрдам кўрсатилмоқда |
| 33' |
|
Ўзбекистон ҳужумларни ёғдирмоқда. Аммо ҳозирча тўп дарвозага бориб тушмаяпти... |
| 30' |
|
Эҳҳҳҳҳҳҳ! Терма жамоамиз марказдан кириб боришди ва Жамшид Искандеров жарима майдончасига кириб бориб, тўпни дарвозабоннинг ёнида ўтказаётганида посбон тўпни ён томонга уриб юборди. Сергеев тўп томон югурди, аммо ҳимоячи тепган тўп унга тегиб, майдонни тарк этди! Бундай пайтларда сал қаттиқроқ зарба бериш керак, Жамшид! |
| 27' |
|
Саудияликлар ҳозирданоқ йиқилишни бошлашди. БУрчак тўпи пайтда ҳимоячи йиқилгани учун ўйин тўхтатилди |
| 26' |
|
Иккинчи марта бурчак тўпини ўйинга киритамиз. Аммо ундан олдин жарима майдончаси ичида жой учун курашда рақибини йиқитган Сергеев огоҳлантириш олди. |
| 25' |
|
Жамшиднинг зарбаси жонли деворга тегиб, майдонни тарк этди. Бурчак тўпи |
| 24' |
|
Сергеев йиқитилди. Дарвозагача 19 метр. Чиройли ва аниқ зарба керак! |
| 24' |
|
Устунлик бизда. Фақат имкониятлардан фойдаланиш керак! |
| 21' |
|
Саудияликлар жарима зарбасини ўйинга киритишди. Жарима майдончамиз ташқарисида футболчимиз тўпни бош билан қайтарди. Қайтган тўпга рақиб футболчиси ноаниқ зарба берди |
| 20' |
|
Саудиялик ҳужумчи майдон марказида ҳужумга ўтаётганида Йўлдошев уни йиқитди ва огоҳлантириш олди. |
| 20' |
|
Шу пайтгача саудияликлар ҳали дарвозамиз томон бирорта ҳам тайинли ҳужум ташкил қила олишмаганди |
| ' |
|
Эҳ, йўқ жойдан, ҳеч қанақа хавф йўқ жойда тўп ерга тегиб, кейин Тўхтахўжаевнинг қўлига тегди. Қандайдир омадсизлик |
| 17' |
|
ГОООЛ! Ал-Ғамдий, 0:1. |
| 17' |
 |
Эҳҳҳҳ, дарвозамизга пенальти белгиланди! Ўнг қанотдан етказилган тўпни қайтаришда тўп Тўхтахўжаевнинг қўлига тегиб кетди. |
| 16' |
|
Фозил 18 метрдан ноаниқ зарба йўллади |
| 15' |
|
Вуууууҳ! ЖАрима тўпидан кейин футболчиларимиз жарима майдончаси ичида дарвоза томон 3 марта зарба йўллашди! Шодиев, Козак, Сергеев! Аммо тўп дарвозагача етиб бормади. Ҳар сафар ҳимоячиларга тегиб қайтди |
| 14' |
|
Ундан аввал эса тўпни узатаётган Искандеровга нисбатан қоида бузилган экан |
| 14' |
 |
Рашидов офсайдда қолди |
| 12' |
|
Бурчак тўпни яшиллар қайтаришди |
| 10' |
|
Ўнг қанотдаги бурчак ёнида Йўлдошев нисбатан қоида бузилди. Жамшид тўпни жарима майдончасига етказиб берди. Кримец олис устун ёнида майдон чиқиб кетаётган тўпни дарвозабон майдончасига қайтарди. Тўпни эса саудиялик футболчи эгаллаб, майдонн ташқарисига чиқариб юборди |
| 8' |
|
Майдон марказида Мусаевга нисбатан фол ишлатилди. Жамшид тўпни жарима майдончасига етказди. Тўп майдонни тарк этди |
| 6' |
|
Саудияликларнинг илк ҳужуми. Зарба ноаниқ бўлди |
| 4' |
|
Рашидов чап қанотда тўпни жарима майдончасига ерлатиб узатиб берди. Ҳимоячилар тўпни қайтаришди. Қайтган тўни Мусаев олис масофадан дарвоза томон йўллади. Зарба аниқ чиқмади |
| 3' |
|
Искандеров майдон марказидан белгиланган жарима тўпини жарима майдончаси яқинига етказиб берди. Саудияликлар тўпни қайтаришди |
| 2' |
|
Терма жамоамиз тўпни назорат қилмоқда. |
| 1' |
|
Ўйинни Ўзбекистон бошлаб берди! |
| ' |
|
Ўзбекистон оқ, Саудия эса яшил рангли формада ўйинни бошламоқда. |
| ' |
|
Жамоалар майдонга чиқиб келишди. Мадҳиялар ижро этилмоқда |
| ' |
|
Миржалол Қосимов Афғонистон билан ўйиндаги таркибни бугун ҳам майдонга туширмоқда. Демак, ўша ўйинда Саудияга қарши ўйин услуби синовдан ўтказилган экан |
| ' |
|
Чорак финалчиларнинг олтитаси маълум бўлди. Умид қиламиз, Ўзбекистон терма жамоаси чорак финалда Саудияни мағлуб этиб, ўз юришини давом эттиради. |
| ' |
|
Осиё Ўйинларининг футбол мусобақасида гуруҳ босқичи якунига етиб, плей-офф баҳслари бўлиб ўтмоқда. |
| ' |
|
Ассалому алайкум, қадрли футбол мухлислари! |
Индонезия
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
